" आपट्याची पाने आणि झेंडूची फुले  घेऊन येत आहे विजयादशमी" 
" दसरा सणाच्या शुभदिनी चला गाऊया भोंडल्याची गाणी " 

नमस्कार मंडळी  आपण सर्वजण नवरात्रीच्या नवरंगात रमलेले आहात.

चला तर मग भेटुया 0८ आक्टोबरला आपल्या मंडळात शमीपुजन आणि भोंडला करायला.
आणखी एक सोहळासुध्दा आहे आपल्यसारख्या जाणकार रसिक प्रेक्षकांसाठी ......

" वपुलं "

व पु काळे आणि पु ल देशपांडे या   दोन समकालीन पण भिन्न शैली

असणाऱ्या लेखकांच्या लेखनाचा संगम म्हणजे वपुलं.

सगळ्या भावभावनांचा मिलाफ असलेली ही एक अभिवाचनाची मैफल आहे.

ही मैफल शब्दांची आहेच पण पु ल देशपांडे यांनी लिहलेल्या , संगीतबद्ध केलेल्या व गायलेल्या गीतांनी गुंफलेली आहे . 
व पु काळे यांचा पार्टनर आणि पु ल देशपांडे यांचा असामी ही दोनही त्यांचा हेवा वाटावा अशी पात्र.

एक चौकटीच्या बाहेरचं आणि एक चौकटीत अडकलेलं ; एक माणसाचा शोध घेणारं आणि एक माणसांनी वेढलेलं.

ही दोनही पात्र एकमेकांना समोरासमोर भेटल्यानंतरचा व पु काळे आणि पु ल देशपांडे

यांच्या इतर पात्रां समवेत माणसाच्या शोधाचा केलेला प्रवास वपुलं मध्ये अनुभवायला मिळेल.
हा दर्जेदार प्रयोग सादर करणार आहेत :

ऋचा केळकर, हेमंत शिर्के, अनिरुध्द देवधर, नितिष घारे आणि शिवानी सोनार. 

कार्यक्रम वेळ: 
शमीपुजन : सायंकाळी  ५ वाजता

भोंडला : सायंकाळी ५.३०वाजता

वपुल : सायंकाळी  ६.३० वाजता. 

स्थळ : महाराष्ट्र मंडळ.

दिनांक :०८ आक्टोबर २०१९.